लकडाउन लम्ब्याउने सरकारको तयारी, उच्चस्तरीय समितिले गर्यो सिफारिस
<p>काठमाडौं। सरकारले ६ सातादेखि जारी लकडाउन थप लम्ब्याउने तयारी गरेको छ।</p>
<p>आज बसेको कोरोना संक्रमण रोकथाम तथा नियन्त्रण उच्चस्तरीय समन्वय समितिको बैठकले यस्तो तयारी गरेको हो।</p>
<p>समितिको बैठकपछि प्रधानमन्त्री तथा मन्त्रिपरिषद् कार्यालयका सचिव नारायण बिडारीले लकडाउन लम्ब्याउनेबारे छलफल भएको र लकडाउन निरन्तर जाने प्रतिक्रिया दिए।</p>
<p>“अहिले सरकारले जुन नीति अख्तियार गरेको छ, जुन बाटोमा हिँडिएको छ, यो सही छ भन्ने छलफलबाट निष्कर्ष निकालियो”, सचिव बिडारीले भने, “लकडाउन निरन्तर रहन्छ।”</p>
<p>भोलि बस्ने मन्त्रिपरिषद्को बैठकले यसको निर्णय गर्ने उनले बताए।</p>
<p>आजको बैठकले लकडाउनलाई कति दिनसम्म निरन्तरता दिने भन्ने विषयमा प्रष्ट नबताए पनि अहिलेको अवस्थामा लकडाउन प्रभावकारी कदम भएको बैठकले निष्कर्ष निकालेको संकेत गरे।</p>
<p>बालुवाटारस्थित् प्रधानमन्त्री निवासमा बसेको बैठकमा प्रधानमन्त्री केपी शर्मा ओलीसमेत उपस्थित थिए।</p>
<p>कोरोना भाइरस संक्रमण विस्तार रोक्न सरकारले गएको ११ चैतदेखि लकडाउन लागू गरिएको थियो। पछिल्लोपटक थपिएको लकडाउनको अवधि २५ वैशाखमा सकिँदैछ।</p>
<p>पहिलोपटक १८ चैतसम्म लकडाउन घोषणा गरिएकोमा १६ चैतमा बसेको मन्त्रिपरिषद् बैठकले २५ चैतसम्मका लागि अवधि बढाएको थियो। </p>
<p>त्यसपछि, २४ चैतमा बसेको मन्त्रिपरिषद् बैठकले ३ वैशाखसम्मको अवधि थप गरेको थियो भने २ वैशाखमा फेरि बैठक बसेर लकडाउनकाे अवधि १५ वैशासम्म पुर्‍याइएको थियो।</p>
<p>नेपालमा कोरोना भाइरस संक्रमितको संख्या थपिन थालेपछि १४ वैशाखमा बसेको मन्त्रिपरिषद् बैठकले २५ वैशाखसम्म लकडाउनको अवधि थपेको थियो।</p>
<p><span style="color:#c0392b;"> </span><a href="https://www.dekhapadhi.com/news/11262" target="_blank"><span style="color:#c0392b;">आन्तरिक तथा अन्तर्राष्ट्रिय हवाई उडान भने आउँदो २ जेठसम्म बन्द</span></a> गर्ने निर्णय यसअघि नै भइसकेको छ। </p>
<p>नेपालका लकडाउन लागू गर्दा जम्ममा दुईजना संक्रमित देखिएका थिए भने अहिले संक्रमितको संख्या ८२ पुगेको छ। </p>
प्रतिक्रिया दिनुहोस्
.jpg)
