पैदलै घर हिँडेका मजदुर नागढुंगामा लुटिए
<p>हेटाैंडा। लकडाउनका बेला काठमाडौंमा अलपत्र परेका एक भारतीय मजदुर पैदल हिँडेर घर जान लाग्दा नागढुंगामा लुटिएका छन्।</p>
<p>काठमाडौंमा घर निर्माणमा संलग्न ४५ वर्षीय राघवेन्द्र चौधरी काठमाडौंबाट विराटनगर जाने क्रममा नागढुंगामा लुटिएका हुन्। </p>
<p>नागढुंगाभन्दा तल बस पाइन्छ भन्ने आश्वासन दिएर चाैधरीलाई लुटिएको थियो।</p>
<p>भारत, मालदह घर बताउने चौधरीलाई घाँटीमा खुकुरी तेर्स्याएर उनीसँग रहेको १५ हजार र झोला लुटिएको प्रहरीले जनाएकाे छ। </p>
<p>ठेकेदारले घर जानलाई दिएकाे रकम लुटिएपछि पीडित चौधरी भोकै हेटौंडासम्म आइपुगेका थिए। बुधचोकमा भेटिएका उनलाई स्थानीयले खाजा, पानी र बाटाे खर्च दिँदै मकवानपुर प्रहरीकाे जिम्मा लगाएका थिए। <em>रासस</em></p>
प्रतिक्रिया दिनुहोस्
.jpg)
