ह्वाइटहाउसको कोरोना टास्क फोर्स हटाइँदैः ट्रम्प
<p>वासिङ्टन। अमेरिकी राष्‍ट्रपति डोनाल्ड ट्रम्पले ह्वाइटहाउसमा स्थापित कोरोना टास्क फोर्स हटाउने निर्णय सुनाएका छन्। </p>
<p>उक्त टास्क फोर्सले आफ्नो खुबी देखाएको उल्लेख गर्दै ट्रम्पले तर अब त्यसमा बदलाव आवश्यक भएको औंल्याए। यसअघि उपराष्‍ट्रपति माइक पेन्सले पनि केही साताभित्रै टास्क फोर्स अन्त्य गरिने बताएका थिए। </p>
<p>अमेरिकामा कोभिड-१९ का दैनिक २० हजार बिरामी थपिइरहेका छन् भने एक हजारभन्दा बढीको मृत्यु भइरहेको छ।</p>
<p>बीबीसीका अनुसार करिब १२ लाख जनामा कोरोना भाइरसको संक्रमण देखिइसकेको छ भने करिब ७० हजारको मृत्यु भइसकेको छ।</p>
<p>“टास्क फोर्स अन्त्य गर्नुको अर्थ कोरोना भाइरसविरुद्धको लडाईं अन्त्य भएको होइन,” ट्रम्पले भने, “मिसन त्यतिबेला पूरा हुनेछ, जतिबेला यो भाइरस नियन्त्रणमा आउनेछ।” अर्को पाँच वर्षका लागि देशलाई बन्द राख्‍न नसकिने उनले बताए।</p>
प्रतिक्रिया दिनुहोस्
.jpg)
