देउवालाई लक्षित गरी गगनले भने– त्यो कांग्रेसको धारणा होइन
<p>काठमाडौं। नेपाली कांग्रेसका नेता गगन थापाले मोहम्मद अफताब आलम प्रकरणमा पार्टी सभापति शेरबहादुर देउवाको अभिव्यक्ति व्यक्तिगत भएको बताएका छन्।</p>
<p>सामूहिक हत्या आरोपमा पक्राउ परेका कांग्रेस नेता आलमलाई षड्यन्त्रपूर्वक फसाउन लागिएको भन्दै देउवाले १ कात्तिकमा सरकारलाई आरोप लगाएका थिए ।</p>
<p>भक्तपुरमा कांग्रेसको प्रशिक्षण कार्यक्रममा देउवासँगै अर्का नेता कृष्णप्रसाद सिटौलाले पनि आलम प्रकरणमा सरकारले षड्यन्त्र गरेको बताएका थिए ।</p>
<p>देउवा र सिटौलाको उक्त अभिव्यक्ति उल्लेख नगरिकनै नेता थापाले आज ट्वीटमार्फत् निष्पक्ष छानबिनका लागि सहयोग गर्नु पार्टीको कर्तव्य भएको बताएका छन्।</p>
<p>“जोसुकै होस्,जहाँ भएको होस्,जहिले भएको होस्,जुनसुकै ओहोदामा पुगेकोले गरेको होस्, अपराध गर्नेले दण्ड पाउनुपर्छ,” उनले लेखका छन्, “दोषीको छिनोफानो अनुसन्धान र न्यायालयले गर्छ। यही हो कांग्रेसको धारणा।बाँकी सबै व्यक्तिगत धारणा हुन्।”</p>
<p style="text-align:center"><img alt="" height="508" src="https://www.dekhapadhi.com/storage/photos/shares/Politics/twitter_gagan_thapa.JPG" width="840" /></p>
<p><strong>पढ्नुहाेस्:</strong></p>
<p><strong><a href="https://dekhapadhi.com/news/1201">देउवाले विज्ञप्तिमार्फत् भने– आलमको मुद्दा अनुसन्धानमा सघाउँछौं</a></strong></p>
<p><strong><a href="https://www.dekhapadhi.com/news/1172">सभापति देउवासहित कांग्रेस शीर्ष नेताकाे आराेप- 'आलमकाे पक्राउ कांग्रेसविरुद्धकाे षड्यन्त्र'</a></strong></p>
<p> </p>
<p> </p>
प्रतिक्रिया दिनुहोस्
.jpg)
