मध्यपूर्वमा कोभिड-१९: विवादमा इरानी एयरलाइन्स !
<p>लन्डन। मध्यपूर्वका देशहरूमा कोभिड-१९ को महामारी फैलिँदै गर्दा इरानको ‘महान एयर’ विवादमा आएको छ।</p>
<p>सोही एयरलाइन्सले मध्यपूर्वमा कोभिड-१९ को महामारी फैलाउन मद्दत पुर्‍याएको आरोप लागेको छ।</p>
<p>महामारी फैलिन नदिन संसारभर हवाई सेवा बन्द भइसक्दा पनि उक्त एयरलाइन्सले कोरोना भाइरसको संक्रमण फैलिरहेका मुलुकमा आफ्नो सेवा चालु राखेको थियो। </p>
<p>बीबीसीको अरबी सेवाले फ्लाइट ट्रयाकिङ डाटा र ओपन सोर्स भिडिओहरूको विश्लेषणपछि उक्त निष्कर्ष निकालेको हो। इराक र लेबनानसम्म सोही एयरलाइन्सले कोरोना भाइरसका संक्रमित व्यक्तिहरूलाई पुर्‍याएको दाबी बीबीसीको छ।</p>
<p>जबकि, इरान सरकारले पनि सम्पूर्ण हवाई सेवा बन्द गर्ने निर्णय गरिसकेको थियो। ‘महान एयर’ले भने सरकारी निर्णयको अवज्ञा गर्दै उडान जारी राख्यो।</p>
<p>एयरलाइन्सकै कर्मचारीहरूका अनुसार ‘क्याबिन क्रु’का धेरै सदस्यमा कोभिड-१९ को लक्षण देखिइसक्दा पनि महान एयरले उडान बन्द गरेन। ‘क्याबिन क्रु’का परिवारले उनीहरूको सुरक्षाको प्रश्‍न उठाउँदा पनि व्यवस्थापनले सुनेको नसुन्यै गर्‍यो।</p>
<p>मध्यपूर्वका मुलुकहरू इराक, संयुक्त अरब इमिरेट्स र सिरियाले महान एयरका विमानलाई आफ्ना विमानस्थलमा अवतरण गर्न दिइरहे।</p>
प्रतिक्रिया दिनुहोस्
.jpg)
