नेपालगञ्जका २३ जना संक्रमितको स्वास्थ्य सामान्य
<p>कोहलपुर। बाँकेको नेपालगञ्‍जमा कोरोना संक्रमण देखिएका २३ जनाको स्वास्थ्य अवस्था सामान्य छ।</p>
<p>खजुरास्थित सुशील कोइराला प्रखर क्यान्सर अस्पतालको आइसोलेसन वार्डमा भर्ना भएका उनीहरूको स्वास्थ्य सामान्य रहेको कार्यालयका कोरोना फोकल पर्सन नरेश श्रेष्ठले बताए।</p>
<p>सबैजनालई वार्डमा चिकित्सकको निगरानीमा राखिएको छ।</p>
<p>बाँकेमा पहिलोपटक एक ६० वर्षीय पुरुषमा कोरोना संक्रमण देखापरेपछि पीसीआर विधिबाट परीक्षण शुरू गरिएको थियो।</p>
<p>२१ वैशाखमा १६ र हिजो, २३ वैशाखमा थप सातजनामा संक्रमण पुष्टि भएको हो। </p>
<p>पहिलो पटक भेटिएका संक्रमितको सम्पर्कमा रहेकाहरुको स्वाब परीक्षण गर्दा एकै वडाका २२ जनामा संक्रमण भेटिएको थियो।</p>
प्रतिक्रिया दिनुहोस्
.jpg)
