डाेटीमा बस दुर्घटना हुँदा ११ जना घाइते
<p>डाेटी। जोरायल गाउँपालिका–२ गरुडमा आज बस दुर्घटना हुँदा ११ जना घाइते भएका छन्।</p>
<p>जिल्ला प्रहरी कार्यालयका प्रहरी उपरीक्षक दिलीपसिंह देउवाका अनुसार डडेल्धुराबाट महेन्द्रनगरतर्फ जाँदै गरेको ना४ख ८२३५ नम्बरको बस दुर्घटनामा परेको हो।</p>
<p>घाइतेमध्ये चार जनाको अवस्था गम्भीर छ।</p>
<p>डडेल्धुराको अमरगढी नगरपालिकाका २५ वर्षीय बसका चालक सुरेन्द्र विष्ट, बैतडी पाटनका ३० वर्षीय नरेश चन्द, डडेल्धुरा भागेश्वरका २२ वर्षीय तारा जोशी र दाङ तुलसीपुरका १९ वर्षीया लक्ष्मी विकको अवस्था गम्भीर रहेको इलाका प्रहरी कार्यालय फलटुडेका प्रहरी निरीक्षक माधव विकले जानकारी दिए। उनीहरूलाई उपचारका लागि पद्मा अस्पताल अत्तरिया पुर्‍याइएको छ। </p>
<p>दुर्घटनाको कारणबारे खुलेको छैन। बस सडकबाट झण्डै ५० मिटर तल खसेको छ। <em>रासस</em></p>
प्रतिक्रिया दिनुहोस्
.jpg)
