चितवनको आइसोलेसनमा मृत्यु भएकी वृद्धाको कोभिड-१९ परीक्षणको तयारी
<p>चितवन। पुरानो मेडिकल कलेजको आइसोलेसनमा उपचारका क्रममा मृत्यु भएकाको स्वाब परीक्षण गरिने भएको छ।</p>
<p>दम, उच्च रक्तचाप र ज्वरो आएर उपचारका लागि आएकी रुपन्देही जिल्ला घर भई हाल खैरहनी नगरपालिका-१२ बस्ने ६० वर्षीया उमादेवी विकको उपचारका क्रममा गएराति मृत्यु भएको थियो।</p>
<p>अस्पतालमा विकको मृत्यु भएपछि कोरोना भाइरस संक्रमणको आशंकामा स्वाब संकलन गरी काठमाडौं पठाउने तयारी गरिएको स्वास्थ्य कार्यालय चितवनका प्रमुख दीपक तिवारीले बताए।</p>
<p>विकको शव भरतपुर अस्पतालको शवगृहमा राखिएको छ। यसअघि पनि भरतपुर कोरोना विशेष अस्पतालमा उपचाररत वीरगञ्जका सन्तोष यादवको मृत्यु भएको थियो।</p>
<p>उनको पनि स्वाब परीक्षण गरिएकोमा कोभिड-१९ रिपोर्ट भने नेगेटिभ आएको थियो। <em>रासस</em></p>
<p> </p>
प्रतिक्रिया दिनुहोस्
.jpg)
