अध्यागमनको महत्वपूर्ण डाटा निजी कम्पनीको कब्जामा
<p>काठमाडौं। अध्यागमनसम्बन्धी संवेदनशील तथ्यांकहरू पाँच वर्षदेखि एक निजी कम्पनीको कब्जामा छ।</p>
<p>सन् २०१४ देखि अध्यागममनका सबै यात्रुको विवरण फोकसवान नाम आइटी कम्पनीले नियन्त्रणमा राखेको हो।</p>
<p>सो डाटा दुरुपयोगसमेत भएको अध्यागमन अधिकारीहरुको आशंका रहेको आजको नयाँ पत्रिकामा समाचार छापिएको छ। </p>
<p>सो कम्पनीले सन् २०१४ मा अध्यागमनको सफ्टवेयर बनाउने जिम्मेवारी पाएको थियो। तत्कालीन महानिर्देशक शरदचन्द्र पौडेलको कार्यकालमा सो सफ्टवेयर निर्माणका लागि कोटेसनको आधारमा सम्झौता गरिएको थियो। </p>
<p>त्यससपश्चात कम्पनीले अध्यागमनको सम्पूर्ण डाटामा आफ्नो कब्जा जमाएको हो। त्यसयता फोकसवानले बनाएको इमी नामक सफ्टवेयरमा सबै यात्रुको डाटा रहँदै आएको छ। जब कि त्यो डाटामा अध्यागमन अधिकारीहरुको पहुँच नै छैन।</p>
<p>सोही कम्पनीसँग विभागले वार्षिक रूपमा दुई लाखको हाराहारीमा मर्मतको सम्झौता पनि गर्दै आएको छ।</p>
<p>“विजुली र धाराको मर्मत गर्नेले नै वर्षमा त्यो भन्दा धेरै लिने गरेका छन्,” विभागका एक अधिकारी भन्छन्, “किन उनीहरुले यति सस्तोमा सम्झौता गरे भन्नेमा आश्चर्य लागेको छ।” </p>
<p>लामो प्रयासपछि हालै सरकारले सो कम्पनीबाट अध्यागमनको डाटा आफ्नो नियन्त्रणमा लिने प्रयास थालेको छ। <br />
</p>
प्रतिक्रिया दिनुहोस्
.jpg)
