कोभिड-१९ : जर्मनीमा पसल खोल्न अनुमति
<p>बर्लिन। जर्मनीकी चान्सलर एंगेला मर्केलले कोराना भाइरसको प्रसार सुस्त बनाउन सरकारले सफलता पाएको बताएकी छन्। </p>
<p>कोभिड-१९ विरुद्ध सरकारी लक्ष्य प्राप्त हुँदै गएपछि पसलहरू खोल्न अनुमति दिइएको उनले बताइन्।</p>
<p>यस्तै, आ-आफ्ना परिवारका साथ सार्वजनिक स्थलहरूमा गएर खानपान गर्न, वृद्धाश्रममा रहेका मानिससँग भेटघाट गर्ने र बालबालिकालाई विद्यालय जाने अनुमति दिइएको उनले बताइन्।</p>
<p>त्यसका साथै सरकारले फुटबल लिग फेरि शुरु गर्न ग्रिन सिग्‍नल दिएको छ। बीबीसीका अनुसार युरोपमा कोरोना भाइरसको संक्रमण पुगेयता कुनै मुलुकले खेल गतिविधि पुनः शुरु गर्न दिएको यो नै पहिलो अनुमति हो।</p>
<p>तर, कोभिड-१९ का बिरामी अचानक वृद्धि भएमा तत्काल आपतकालीन लकडाउन घोषणा गर्न सकिने चान्सलर मर्केलले बताइन्।</p>
प्रतिक्रिया दिनुहोस्
.jpg)
