बुद्ध जयन्तीमा प्रधानमन्त्रीको सन्देश : महामारीविरुद्ध समझदारीपूर्ण ऐक्यबद्धता आवश्यक (भिडिओसहित)
<p>काठमाडौं। प्रधानमन्त्री केपी शर्मा ओलीले कोभिड-१९ को महामारीविरुद्ध समझदारीपूर्ण ऐक्यबद्धता आवश्यक रहेको बताएका छन्। </p>
<p>महामारीविरुद्ध सरकारले सुरुदेखि नै चालेका प्रभावकारी कदमका कारण स्थिति भयावह हुन नपाएको उल्लेख गर्दै प्रधानमन्त्रीले ‘तर, भयावह हुनसक्ने लक्षणहरू’ देखिएकामा सचेत गराएका छन्। </p>
<p>“कोरोना भाइरसले दुनियाँलाई एउटा नयाँ भयावह त्रासदीको स्थितिमा पुर्‍याएको छ। संक्रमित र ज्यान गुमाउनेहरूको संख्या बढ्दो छ,” प्रधानमन्त्रीको सन्देशमा भनिएको छ, ‘यस दुःखद घडीमा म कोरोना भाइरसबाट आफ्नो अमूल्य जीवन गुमाउने सबैप्रति श्रद्धासुमन अर्पण गर्न चाहन्छु। र, संक्रमितहरूको शीघ्र स्वास्थ्य लाभको कामना गर्न चाहन्छु।’</p>
<p>यदि आफ्नो सर्तकता, आफ्नो तयारी र रोकथाममा सबैको सम्झदारीपूर्ण ऐक्यबद्धता भएन भने यस महामारीले भयावह रूप लिन सक्ने कुरामा प्रधानमन्त्री ओलीले सजग गराएका छन्।</p>
<p>सिद्धार्थ गौतम बुद्धले जन्म लिएको, बुद्धत्व प्राप्त गरेको र महापरिनिर्वाण प्राप्त गरेको दिनको स्मरण गर्दै प्रधानमन्त्रीले विश्‍व शान्तिका अग्रदुत सिद्धार्थ गौतम बुद्धको सम्मान-स्मृति र उनका शान्ति सन्देशहरूको कदरस्वरूप आजको दिनलाई संयुक्त राष्ट्रसंघले वैशाख दिवसका रूपमा मनाउने गरेको उल्लेख गरेका छन्।</p>
<p>र, यस वर्ष कोभिड-१९ को महामारीका कारण विश्‍वभर वैशाख दिवस मनाउन नपाइएको उल्लेख गरेका छन्।</p>
<p><strong>हेर्नुहोस् भिडिओ</strong><br />
<iframe frameborder="0" height="550" scrolling="no" src="https://www.youtube.com/embed/ZwfqdJnLykI" width="760"></iframe></p>
प्रतिक्रिया दिनुहोस्
.jpg)
