‘उपयुक्त माहोल’बिना कोभिड-१९ को अन्तर्राष्ट्रिय अनुसन्धानलाई सहयोग गर्दैनौं : चिनियाँ राजदूत
<p>जेनेभा। संयुक्त राष्‍ट्रसंघका लागि चिनियाँ राजदूत चेन सुले ‘उपयुक्त माहोल’बिना चीनले कोभिड-१९ को अन्तर्राष्‍ट्रिय अनुसन्धानलाई सहयोग नगर्ने स्पष्‍ट गरेका छन्। </p>
<p>त्यस्तो वातावरण तयार नभएसम्म चीनले अन्तर्राष्‍ट्रिय विज्ञहरूलाई प्रवेश नदिने पनि उनले स्पष्‍ट पारे। “कोभिड-१९ को उत्पत्तिबारे अनुसन्धान त्यतिबेला मात्र सम्भव हुन सक्छ, जतिबेला कोरोना भाइरसलाई परास्त गर्न सकिने छ,” उनले भने, “उत्पत्तिबारेको अनुसन्धान चीनको प्राथमिकतामा छैन।”</p>
<p>महामारीविरुद्ध लड्नु र त्यसलाई पराजित गर्नु नै चीनको अहिलेको मुख्य प्राथमिकता रहेको उनले बताए।</p>
<p>यसअघि विश्‍व स्वास्थ्य संगठनले अनुसन्धानका लागि बेइजिङको सहभागिताको प्रतिक्षा गरिरहेको बताएको थियो। “हामी अहिले गर्नुपर्ने कामलाई मात्र प्राथमिकता दिन्छौं,” राजदूत चेनले प्रष्‍ट्याए।</p>
प्रतिक्रिया दिनुहोस्
.jpg)
