राष्ट्रपति भण्डारीको म्यान्मार भ्रमण पूरा, आज जापान जाँदै
<p>काठमाडौं। म्यान्मार गणतन्त्र संघका राष्ट्रपति विन मिन्तको मैत्रीपूर्ण निमन्त्रणामा म्यान्मारमा रहेकि राष्ट्रपति विद्यादेवी भण्डारीको पाँच दिने राजकीय भ्रमणमा पूरा भएको छ। </p>
<p>राष्ट्रपति भण्डारी २९ असोजमा म्यान्मार गएकि हुन्।</p>
<p>म्यान्मारको राजकीय भ्रमण पूरा गरेसँगै राष्ट्रपति भण्डारी आज बिहान जापान प्रस्थान गर्ने छिन्।</p>
<p>थाइ एयरवेजबाट थाइल्याण्डको बैंकक हुँदै राष्ट्रपतिको प्रतिनिधिमण्डल राति जापान पुग्‍नेछ।</p>
<p>जापानी सम्राट् नोरुहितोको राज्याभिषेकमा सहभागि भई नेपाली प्रतिनिधिमण्डल ६ कात्तिकमा स्वदेश फर्कने कार्यक्रम छ। </p>
<p>राष्ट्रपतिका साथ परराष्ट्रमन्त्री प्रदीपकुमार ज्ञवाली, परराष्ट्र सचिव शङ्करदास वैरागी, राष्ट्रपति कार्यालयका सचिव डा. हरि पौडेल, राष्ट्रपतिका प्रमुख स्वकीय सचिव डा. भेषराज अधिकारी तथा परराष्ट्र मन्त्रालय र राष्ट्रपति कार्यालयका उच्चपदस्थ अधिकारीलगायत छन्। </p>
<p>भ्रमणका क्रममा राष्ट्रपति भण्डारी र म्यान्मारका राष्ट्रपति मिन्तबीच राजधानी नेपित शहरमा भेटवार्ता भएको थियो। राष्ट्रपतिसँग म्यान्मारका स्टेट काउन्सिलर आङ सान सु ची र कमान्डर इन चिफले पनि भेटवार्ता गरे।</p>
<p>राष्ट्रपति भण्डारी र स्टेट काउन्सिलर चीको उपस्थितिमा म्यान्मार र नेपालबीच पर्यटन र सांस्कृतिक सहयोगसम्बन्धी समझदारीपत्रमा हस्ताक्षर भएको छ। <em>रासस</em> <br />
</p>
प्रतिक्रिया दिनुहोस्
.jpg)
