जर्मन बुन्डेसलिगा यसै महिना शुरू हुने
<p>काठमाडौं। जर्मनीका चान्सलर एन्जेला मोर्केलले जर्मन बुन्डेसलिगा यसै महिना शुरू हुन सक्ने बताएकी छन्। </p>
<p>यससँगै युरोपमा कोभिड-१९ महामारीका कारण स्थगितमध्ये हुने लिगहरूमध्ये पुनः शुरू हुने बुन्डेसलिगा पहिलो लिग बनेको छ। जर्मन फुटबल लिगले अब बिहीबार नयाँ मिति तय गर्नेछ। बुन्डेसलिगाका सम्पूर्ण खेल बन्द रंगशालामा हुनेछन्। </p>
<p>बुन्डेसलिगामा अब नौ चरणका खेल मात्र बाँकी छन्। लिग स्थगित हुँदा बायर्न म्युनिख ५५ अंकका साथ शीर्ष स्थानमा छ भने ५१ अंकका साथ बोरुसिया डर्टमन्ड दोस्रो स्थानमा छ। </p>
<p>‘‘बुन्डेसलिगा समाप्त गर्ने अवसरको दिने आजको निर्णयका लागि राजनीतिज्ञहरूलाई धन्यवाद दिन चाहन्छु,’’ लिग शुरू हुने भएपछि बायर्न म्युनिखका प्रमुख कार्ल हेन्ज रुम्मेनिगेले भने, ‘‘हामी अब मेको मध्यतिर पुन: खेल हुने आशामा छौं। म यसमा संलग्‍न सबैलाई अपिल गर्छु, आवश्यक सबै सावधानी अनुसरण गर्नुहोस, जुन खेलहरू पुनः शुरू गर्ने आधार हो।’’</p>
<p>जर्मन फुटबल लिगका कार्यकारी प्रमुख क्रिस्टेन सेइफर्टले पनि उक्त निर्णयले बुन्डेसलिगा र बन्डेसलिगा दुईका लागि सुखद् खबर भएको बताएका छन्।</p>
प्रतिक्रिया दिनुहोस्
.jpg)
