बुद्ध जयन्तीमा प्रधानमन्त्रीले सम्झे रोल्पाको बम विष्फोट
<p>काठमाडौं। प्रधानमन्त्री केपी शर्मा ओलीले रोल्पामा केही दिनअघि भएको बम विष्फोटमा मारिएका बालबालिकालाई श्रद्धाञ्‍जली दिएका छन्।</p>
<p>बुद्ध जयन्तीका अवसरमा आज दिएको भिडिओ सन्देशमा प्रधानमन्त्रीले रोल्पा विष्फोट सम्झेका हुन्। </p>
<p>"केही दिनअघि मात्रै फेरि पनि चारजना निर्दोष बालबालिकाहरू बम विस्फोटको अचानक शिकार भएर आफ्नो ज्यान गुमाउन बाध्य भए," प्रधानमन्त्रीको सन्देशमा उल्लेख छ, 'म उनीहरूप्रति अत्यन्तै संवेदनशील भावका साथ श्रद्धासुमन अर्पण गर्न चाहन्छु ।'</p>
<p>प्रधानमन्त्रीले विश्‍व शान्तिको चाहनामा तड्पिरहेको र बुद्धका सन्देश अझ बढी सान्दर्भिक भइरहेको समेत उल्लेख गरेका छन्।</p>
प्रतिक्रिया दिनुहोस्
.jpg)
