महामारीका बावजुद चीनको निर्यात व्यापारमा वृद्धि
<p>बेइजिङ। कोभिड-१९ को उद्‍गम मुलुक चीनमा गत अप्रिलको निर्यात व्यापारमा अघिल्लो वर्षको तुलनामा वृद्धि देखिएको छ।</p>
<p>जबकि, चीनको आपूर्ति व्यवस्थापन अन्य मुलुकभन्दा पहिले नै प्रभावित भइसकेको थियो।</p>
<p>सरकारले सार्वजनिक गरेको पछिल्लो आँकडाबाट चीनका सामान उत्पादक ठूला कम्पनीहरूले राहत महशुस गरेका छन्। </p>
<p>त्यसका बावजुद आगामी महीनामा विश्‍व बजारबाट माग नै घटेर निर्यात व्यापारमा संकुचन आउने चिन्तामा चिनियाँ उद्योगी, व्यापारी देखिन्छन्। संसारभरको अर्थतन्त्र मन्दीमा गएको र बेरोजगारी दर उच्च भएकाले माग घट्ने चिन्ता उनीहरूमा छ।</p>
<p>बीबीसीका अनुसार गत वर्ष अप्रिलमा भन्दा यस वर्ष निर्यात व्यापारमा तीन दशमलव पाँच प्रतिशतको वृद्धि देखिएको छ।</p>
<p>सन् २०२० चीनका लागि खराब शुरुवात लिएर आएको थियो। सन् २०१९ को डिसेम्बर अन्तिम सातादेखि देखिएको कोराना भाइरसको संक्रमणका कारण शहरहरूमा धमाधम लकडाउन गर्नु परेको थियो।</p>
<p>मार्चमा लकडाउन खुकुलो बनाएपछि भने कारखानाहरूले उत्पादन थालेका थिए। संसारभरका कलकारखाना कोभिड-१९ को चपेटामा आउँदा चीनका कारखानाले धमाधम निर्यात थालेका थिए। सोही कारण अघिल्लो वर्षभन्दा बढी निर्यात व्यापार चीनले हासिल गरेको विश्लेषकहरू बताउँछन्।</p>
प्रतिक्रिया दिनुहोस्
.jpg)
