महेशपुर भन्सार कार्यालयमा राजस्व संकलन शून्य
<p>नवलपरासी। नवलपरासी (बर्दघाट-सुस्ता पश्चिम) को महेशपुर भन्सार कार्यालयमा लकडाउनका कारण राजस्व संकलन प्रभावित भएको छ।</p>
<p>वैशाख महीना शुरू भएयता राजस्व संकलन शून्य रहेको महेशपुर भन्सार कार्यालयका प्रमुख हेमराज शर्माले बताए।</p>
<p>जिल्ला प्रशासन कार्यालयले भन्सार कार्यालयलाई महेशपुर नाकाबाट भित्रिने सामग्रीको भन्सार महशुल संकलन नगर्न आदेश गरेपछि राजस्‍व संकलन प्रभावित भएको कार्यालयले जनाएको छ।</p>
<p>प्रमुख जिल्ला अधिकारी वासुदेव दाहालले कोरोना भाइरस संक्रमणको असज परिस्थितिका कारण नाकाबाट सकभर सामग्री भित्रिन नदिएको बताए।</p>
<p>चालु आर्थिक वर्ष २०७६/७७ मा कूल १५ करोड राजस्‍व संकलन गर्ने लक्ष्य भए पनि हालसम्म ११ करोड १८ लाख राजस्व संकलन भएको छ। <em>रासस</em></p>
प्रतिक्रिया दिनुहोस्
.jpg)
