भोजपुरमा १ महिलाको हत्या, १ घाइते
<p>भोजपुर। भोजपुरको दिङ्लामा एक महिलाको हत्या भएको छ। स्थानीय एक युवकको आक्रमणमा परेर एक महिला घाइते भएकि छन्।</p>
<p>षडानन्द नगरपालिका–१ नेपालेडाँडास्थित सोमबारेबाट घर फर्कदै गर्दा हिजो साँझ बाटोमा सोही नगरपालिका–३ की २८ वर्षीया कल्पना राईलाई धारिलो हतियार तथा ढुंगा प्रहार गरी हत्या गरिएको हो।</p>
<p>जिल्ला प्रहरी कार्यालय, भोजपुरका इन्सपेक्टर पाण्डव राजवंशीका अनुसार कल्पनासँगै रहेकी १८ वर्षीया नवीना राई घाइते छिन्। उनको खार्तम्छा स्वास्थ्य चौकीमा उपचार भइरहेको छ। </p>
<p>हत्यामा संलग्‍न षडानन्द नगरपालिका–३ खार्तम्छाका २१ वर्षीय प्रदीप बस्नेतलाई पक्राउ गरी अनुसन्धान शुरू गरिएको जिल्ला प्रहरी कार्यालयले जनाएको छ। </p>
प्रतिक्रिया दिनुहोस्
.jpg)
