घर फर्कन चाहने नेपालीलाई निवेदन दिन भारतको गोवा सरकारको आव्हान
<p>कैलाली। भारतको गोवा सरकारले घर फर्कन चाहने नेपालीहरुको सूची तयार गरेको छ।</p>
<p>गोवाका मुख्यमन्त्री प्रमोद सावन्तलाई उद्धृत गर्दै भारतीय पत्रिका <a href="https://timesofindia.indiatimes.com/city/goa/cm-stranded-nepalese-seeking-to-return-home-must-register-sop-soon/articleshow/75544399.cms?fbclid=IwAR0vdQulaO-o2pQtwSTSfyUei2SSJYgwAxW6SUUBFkqZOOEFGZs7Frjm810&from=mdr" target="_blank">टाईम्स अफ ईण्डिया</a>मा प्रकाशित समाचार अनुसार गोवामा रहेका स्वदेश फर्किन चाहने ८० हजार नेपालीले नाम दर्ता गरिसकेका छन्।</p>
<p>गोवा सरकारले नेपाल फर्किन चाहनेहरुका लागि बस र रेल सहितको सुबिधा उपलब्ध गराउने तयारी गरिरहेको बताईएको छ।</p>
<p>गोवा सरकारले त्यहाँ रहेका नेपालीहरूलाई नेपालको सीमासम्म पुर्‍याउने जनाएको छ।</p>
<p>उनीहरूलाई दुई दिनभित्र फिर्ता हुने व्यवस्था मिलाउने गरी रेल सेवासँग छलफल भइरहेको मुख्यमन्त्री सावन्तले बताएका छन्।</p>
<p>कोभिड-१९ रोकथाम तथा नियन्त्रणका लागि भारतमा जारी गरिएको तेस्रो चरणको लकडाउनका कारण त्यहाँ रोजगारीमा रहेका नेपालीहरू अलपत्र परेका छन्।</p>
<p>गोवामा समुन्द्र बीचमा रहेका होटल, रेष्टुरेण्टमा कुक, वेटरलगायतका कार्यमा नेपालीहरु संलग्‍न रहँदै आएका छन्।</p>
.jpg)
