धादिङमा कुकर बम भेटियो, सेनाद्वारा डिस्पोजको तयारी
<p>धादिङ। धादिङको धुनिबेंशी नगरपालिका-६, चालिसेमा कुकर बम फेला परेको छ।</p>
<p>सडकमा राखिएको ढाट नजिकै जेब्रा झोलाभित्र बिहान प्रहरीले बम फेला पारेको जिल्ला प्रहरी कार्यालय, धादिङका डीएसपी रुपक खड्काले <em>देखापढी</em>लाई बताए।</p>
<p>नेपाली सेनाको बम डिस्पोजल टोली कुकर बम राखिएको ठाउँमा पुगेर डिस्पोज गर्ने तयारी भइरहेको डीएसपी खड्काले बताएका छन्।</p>
<p>नेत्रविक्रम चन्द नेतृत्वको नेपाल कम्युनिष्‍ट पार्टीले कुकर बम राखेको प्रहरीको आशंका छ। </p>
<p>नेत्रविक्रम चन्द समूहले आफ्ना नेता तथा कार्यकर्ताहरुको पक्राउको विरुद्ध आज प्रदर्शन गर्ने सार्वजनिक गरेको थियो।</p>
<p>चन्द समूहका २१ जना नेता,कार्यकर्ताहरु ३० असोजमा दाङबाट हतियारसहित पक्राउ परेका थिए। </p>
प्रतिक्रिया दिनुहोस्
.jpg)
