नेपालमा कोरोना संक्रमितको संख्या १०१ पुग्यो, कपिलवस्तुमा भेटिए दुई संक्रमित
<p>काठमाडौं। नेपालमा कोरोना संक्रमितको संख्या १०१ पुगेको छ।</p>
<p>स्वास्थ्य तथा जनसंख्या मन्त्रालयका अुनसार कपिलवस्तुका दुई जनामा आज संक्रमण देखिएको हो।</p>
<p>कपिलवस्तुको कपिलवस्तु नगरपालिका-८ का दुई पुरुषमा संक्रमण देखिएको मन्त्रालयका सहप्रवक्ता डा‍‍. समिरकुमार अधिकारीले बताएका छन्।</p>
<p>उनका अनुसार राष्ट्रिय जनस्वास्थ्य प्रयोगशाला काठमाडाैंमा गरिएको परीक्षणपछि १६ र २२ वर्षका पुरूषमा संक्रमण पुष्टि भएको हो। </p>
<p>उनीहरूको स्वास्थ्य अवस्था सामान्य रहेको र स्वास्थ्यकर्मीको सम्पर्कमा रहेको रहेको सहप्रवक्ता डा‍‍. अधिकारीले बताएका छन्। </p>
<p>मन्त्रालयले आज राति ८:४० बजे अध्यावधिक गरेको तथ्यांकअनुसार नेपालमा संक्रमितको संख्या १०१ पुगेको हो।</p>
<p>यसमध्ये १३ जना निको भएर घर फर्किएका छन्। १६ जना निको भएकोमा तीनजनामा फेरि संक्रमण देखिएको थियो। </p>
<p style="text-align:center"><img alt="" height="1296" src="https://www.dekhapadhi.com/storage/photos/shares/COVID-19/Corona-Update-1-25-night.jpg" width="960" /></p>
<p> </p>
प्रतिक्रिया दिनुहोस्
.jpg)
