Others

गृहपृष्ठ

नेपाल-भारत सीमामा संयुक्त सुरक्षा गस्ती कञ्&zwj;चनपुर। सीमा क्षेत्रमा हुने आपराधिक क्रियाकलाप नियन्त्रण गर्न कञ्चनपुरको दशगजा क्षेत्रमा नेपाल र भारतका सुरक्षाकर्मीले संयुक्त गस्ती कार्य शुरु गरेका छन्। तिहारलगायतको चाडपर्वमा सीमा क्षेत्रमा  बढ्नसक्ने सम्भावित अपराधलाई नियन्त्रण गर्न  संयुक्त गस्ती थालिएको इलाका प्रहरी कार्यालय बेलौरीका प्रहरी निरीक्षक रणबहादुर चन्दले बताएका छन्। सीमा क्षेत्रमा हुने अवैध चोरी शिकारी, तस्करी र आपराधिक कार्य नियन्त्रणसँगै सीमा स्तम्भको सुरक्षाका लागि संयुक्त गस्तीको कार्य भइरहेको भन्दै इन्सपेक्टर चन्दले भने,  “चाडपर्वमा हुने अवैध सामानको तस्करी रोक्न र सीमा क्षेत्रमा आवतजावतको कार्यलाई सहज बनाउनेछौं।”  संयुक्त गस्तीमा सशस्त्र प्रहरी बल बोर्डर आउट पोष्टका ११ जवान र  इप्रका बेलौरीका ११ जवान खटिएका छन्। त्यस्तै एसएसबी कमलापुरी कम्पनीका ६ जना छन्। रासस