क्लोस बायर्नको सहायक प्रशिक्षकमा नियुक्त
<p>काठमाडौं। जर्मनीबाट सबैभन्दा धेरै गोल गर्ने मिरोस्लाभ क्लोसलाई बुन्डेसलिगा क्लब बायर्न म्युनिखले अर्को सिजनका लागि सहायक प्रशिक्षकमा नियुक्त गरेको छ। </p>
<p>४१ वर्षे पूर्वफरवार्ड क्लोस विगत दुई वर्षदेखि बायर्नको युवा टिमका प्रशिक्षक थिए। उनीले सन् २०१६ मा खेलाडी करिअरबाट संन्यास लिएका थिए। </p>
<p>क्लोसले सन् २००७ देखि चार सिजन बायर्नमा बिताए। बायर्न बसाइमा क्लोसले बुन्डेसलिगा र जर्मन कपको उपाधि जितेका थिए। </p>
<p>‘‘मेरो प्रशिक्षक करिअरमा यो अर्को पाइला हो,’’ क्लोसले भने। </p>
<p>क्लोसले विश्‍वकप २०१४ को उपाधि जित्दा बायर्नका मुख्य प्रशिक्षक हान्सी फ्लिक जर्मनीको सहायक प्रशिक्षक थिए। फ्लिकले पनि गत महीना मात्र क्लबसँगको सम्झौता नवीकरण गरेका थिए। </p>
<p>‘‘राष्‍ट्रिय टिममा हुँदादेखि हामी एकअर्कालाई राम्रोसँग चिन्छौं। हामी एकअर्कालाई व्यावसायिक र व्यक्तिगत रूपमा राम्रोसँग परिचित छौं,’’ क्लोसले भने। </p>
<p>क्लोसले जर्मनीबाट सन् २००१ देखि २०१४ सम्म खेल्दा एक सय ३७ खेलमा ७१ गोल गरेका थिए। क्लोसले बायर्नबाहेक कैसरस्लाउटर्न, बेर्डर ब्रेमेन र इटालियन क्लब लाजियोबाट पनि खेलेका थिए।</p>
प्रतिक्रिया दिनुहोस्
.jpg)
