म्याद सकिएपछि महरालाई पुनः अदालत लैजाँदै
<p>काठमाडौं। बलात्कार प्रयासको आरोपमा पक्राउ परेका पूर्व सभामुख कृष्णबहादुर महरालाई हिरासतमा राखेर अनुसन्धान गर्न अदालतले दिएको म्याद सकिएको छ। </p>
<p>१९ असोजमा पक्राउ परेका महरालाई अदालतले १३ दिन हिरासतमा राखेर अनुसन्धान गर्न म्याद दिएको थियो। दशैं बिदा सकिएपछि २८ असोजमा अदालत खुलेर उपस्थित गराइएका उनलाई थप ३ दिन हिरासतमा राख्न अनुमति दिइएको थियो। त्यो म्याद १ कात्तिकमा सकिएको थियो। त्यस लगत्तै शनिबार परेकाले उनलाई आज काठमाडौं जिल्ला अदालतमा उपस्थित गराइदैछ। </p>
<p>अहिले उनलाई नर्भिक अस्पतालबाट जिल्ला सरकारी वकीलको कार्यालय पुर्‍याइएको छ। </p>
<p>काठमाडौं जिल्ला अदालतले हिरासतमा राखेर अनुसन्धान गर्न दिएको समय सकिए पनि महराको बयान भने अझै शुरु नै भएको छैन। महराले आफनो स्वास्थ्यको कारण देखाउदै आजसम्म बयान दिन मानेका छैनन्। </p>
<p>१९ असोजमा प्रहरीले पक्राउ गरेर हिरासतमा राखेपछि उनको स्वास्थ्यमा समस्या देखिएको थियो। २२ असोजमा स्वास्थ्यमा केही जटिल समस्या देखिएपछि उनलाई २३ असोजमा थापाथलीस्थित नर्भिक अस्पतालमा भर्ना गरिएको थियो। </p>
<p>उनको स्वास्थ्यमा सुधार नभएको भन्दै अस्पतालले डिस्चार्ज गरिसकेको छैन। </p>
<p>महानगरीय प्रहरी परिसर काठमाडौंका प्रवक्ता डीएसपी होबिन्द्र बोगटीले पुनः अदालतमा उपस्थित गराउन लगिएको जानकारी दिए। </p>
<p>प्रहरीले कुनै पनि मुद्दामा आरोपित व्यक्तिलाई २५ दिनसम्म हिरासतमा राखेर अनुसन्धान गर्न पाउँछ। </p>
<p>उनले बयान नदिए पनि प्रहरीले अनुसन्धान सकेर प्रतिवेदन सरकारी वकिल कार्यालयमा बुझाउन सक्नेछ। सरकारी वकिल कार्यालयले प्रहरीको अनुसन्धान प्रतिवेदनसहित अभियोग पत्र अदालतमा दायर गर्नसक्छ। </p>
<p>सरकारी वकिल कार्यालय र प्रहरी समक्ष बयान नदिए पनि महराले अदालतमा भने बयान दिनुपर्ने हुन्छ। बयान नभए पनि कानुन बमोजिमको प्रक्रिया अघि बढने प्रहरी अधिकारी बताउँछन्। </p>
<p>प्रहरीले अस्पतालमै गएर भए पनि बयान गराउने तयारी गरेको स्रोतले बतायो। एक प्रहरी अधिकारीका अनुसार प्रहरीले बयानका लागि महरालाई सहजीकरण गर्न अनुरोध गरिरहेको छ। </p>
<p>१२ असोजमा संसद् सचिवालयमा कार्यरत एक महिला कर्मचारीमाथि बलात्कार प्रयास गरेको आरोप महरामाथि छ। </p>
<p>आरोप लागेपछि महराले १४ असोजमा सभामुखबाट राजीनामा दिएका थिए। १७ असोजमा महराविरुद्ध किटानी जाहेरी परेपछि १९ असोजमा अदालतले पक्राउ गर्न आदेश दिएको थियो । सोही दिन सभामुख निवास बालुवाटारबाट महरालाई प्रहरीले पक्राउ गरेको थियो। </p>
<p>पढ्नुहोस्:</p>
<p><a href="https://dekhapadhi.com/news/1127" target="_blank">थपिएको म्याद सकिंदै, महराको बयान शुरू भएन</a></p>
<p><a href="https://dekhapadhi.com/news/1050">महरालाई थप तीन दिन थुनामा राख्न अदालतको अनुमति</a></p>
<p><strong><a href="https://dekhapadhi.com/news/1046">महराको म्याद थपबारे बहस जारी</a></strong></p>
<p><strong><a href="https://www.dekhapadhi.com/news/777">प्रहरी हिरासतमा जानुअघि सभामुख निवासमा महराले गरेका थिए, खसी काटेर दशैं भोज</a></strong></p>
<p><strong><a href="https://www.dekhapadhi.com/news/774">बलात्कारको आरोप लागेका पूर्वसभामुख महरा पक्राउ, सिंहदरबार प्रहरी वृत्त लगियो (भिडिओसहित)</a></strong></p>
<p><strong><a href="https://www.dekhapadhi.com/news/773">प्रहरीको गाडी नचढ्ने महराको अडानपछि निजी गाडी लिएरै सभामुख निवासमा पस्यो प्रहरी (भिडिओसहित)</a></strong></p>
<p><a href="https://www.dekhapadhi.com/news/769"><strong>महरा बालुवाटारस्थित निवासमै, बाहिर पत्रकारको भीड</strong></a></p>
<p><a href="https://www.dekhapadhi.com/news/768"><strong>महरालाई पक्राउ गर्न अदालतको अनुमति</strong></a></p>
<p><strong><a href="https://www.dekhapadhi.com/news/742">सांसद पद नछाडे के गर्ने भन्ने निर्णयमा पार्टी पुगेको छैनः प्रवक्ता श्रेष्ठ</a></strong></p>
<p><strong><a href="https://www.dekhapadhi.com/news/740">महराविरुद्ध जबरजस्ती करणी उद्योगमा जाहेरी दर्ता</a></strong></p>
<p><strong><a href="https://www.dekhapadhi.com/news/730">महरा घटनामा संयुक्त राष्ट्रसंघ र युरोपेली मुलुकले देखाए चासो </a></strong></p>
<p><strong><a href="https://www.dekhapadhi.com/news/706">‘महराजीले समाचार नछाप्न दबाव दिनुभएको थियो’</a></strong></p>
<p><strong><a href="https://www.dekhapadhi.com/news/623">बलात्कारकाे आरोपपछि सभामुखबाट राजीनामा दिएका महरामाथि के कारबाही होला !</a></strong></p>
<p><strong><a href="https://www.dekhapadhi.com/news/628">महरा सधैँ सत्ता सुखमा</a></strong></p>
<p><strong><a href="https://www.dekhapadhi.com/news/627">महरामाथि प्रहरी अनुसन्धान शुरू</a></strong></p>
<p><strong><a href="https://www.dekhapadhi.com/news/626">महरामाथि यस्तो छ अन्तर्राष्ट्रिय मिडियाको कभरेज</a></strong></p>
<p><strong><a href="https://www.dekhapadhi.com/news/622">बलात्कारकाे आरोप लागेका सभामुख महराले दिए राजीनामा</a></strong></p>
<p><strong><a href="https://www.dekhapadhi.com/news/619">सभामुखमाथि छानबिन हुनुपर्छ, दोषी भए आमनागरिक सरह कारबाही पनिः गगन थापा</a></strong></p>
<p><strong><a href="https://www.dekhapadhi.com/news/620">नेकपाले महरालाई भन्यो– सभामुख र सांसद दुवै पदबाट राजीनामा देऊ</a></strong></p>
<p><strong><a href="https://www.dekhapadhi.com/news/610">सत्तारुढ नेकपाको आकस्मिक सचिवालय बैठक बस्दै</a></strong></p>
<p><strong><a href="https://www.dekhapadhi.com/news/616">साझा पार्टीद्वारा सभामुख महराको राजीनामा माग </a></strong></p>
<p><strong><a href="https://dekhapadhi.com/news/796">के महरा बन्दी प्रत्यक्षीकरणको रिट लिएर अदालत पुग्लान् ?</a></strong></p>
<p><strong><a href="https://dekhapadhi.com/news/899">बिरामीका कारण महराको बयान स्थगित</a></strong></p>
<p><strong><a href="https://dekhapadhi.com/news/859">महरामाथि सूक्ष्म अनुसन्धान</a></strong></p>
<p> </p>
प्रतिक्रिया दिनुहोस्
.jpg)
