रेडक्रस दिवसको नारा ‘ताली बजाउनूस्’
<p>काठमाडौं। आज विश्‍व रेडक्रस तथा रेड क्रिसेन्ट दिवस। कोभिड-१९ को महामारीमा मानवीय कार्यमा व्यस्त फ्रन्टलाइनका कार्यकर्तालाई हौसल प्रदान गर्न ‘ताली बजाउनूस्’ नारासहित मनाइँदैछ।</p>
<p>रेडक्रसका अनुसार आफ्ना विश्‍वभरका एक करोड ३७ लाख स्वयंसेवकको मनोबल बढाउन पनि उक्त नारा छनोट गरिएको हो।</p>
<p>“कोभिड-१९ को परिस्थितिमा अग्रपंतिमा रही त्रासदीपूर्ण बेलामा पनि विश्‍वभरमा सहयोग दिने समुदायका अगुवा, रक्तसञ्‍चार सेवामा कार्यरत प्राविधिक र स्वयंसेवक, रक्तदातालगायत सम्पूर्ण रेडक्रसकर्मीलाई ताली बजाएर आभार व्यक्त गरौं,” रेडक्रसको विज्ञप्तिमा उल्लेख छ।</p>
<p>दिवसका अवसरमा ‘ताली बजाउनुहोस्’ शीर्षकमा आयोजित तस्वीर प्रतियोगिताका लागि हालसम्म दुई सयभन्दा बढी तस्वीर प्राप्त भएको रेडक्रसका सञ्‍चार निर्देशक दिव्यराज पौडेलले बताए।</p>
प्रतिक्रिया दिनुहोस्
.jpg)
