कैलालीका नाकामा थप कडाइ गरिने
<p>कैलाली। भारतसँग सीमा जोडिएको इलाकामा थप कडाइ गर्दै निगरानी बढाउने निर्णय जिल्ला सुरक्षा समितिले गरेको छ। </p>
<p>प्रमुख जिल्ला अधिकारी यज्ञराज बोहराको अध्यक्षतामा हिजो सम्पन्‍न बैठकले भारतमा कोरोना भाइरसको संक्रमण फैलिँदै गएको र कैलालीमा पनि जोखिम बढेकाले सीमा क्षेत्रबाट हुन सक्ने आवागमन रोक्न थप कडाइ बनाउने निर्णय गरेको हो।</p>
<p>उक्त निर्णयका कारण करिब डेढ महीनादेखि कैलालीको सीमापारि अलपत्र नेपाली नागरिकको तत्काल उद्धार नहुने सम्भावना देखिएको छ।</p>
<p>जोखिम न्यूनीकरणका लागि वडाध्यक्षको संयोजकत्वमा सुरक्षाकर्मी र स्वास्थ्यकर्मीसहितको निगरानी समूह गठन गर्ने निर्णयसमेत भएको जिल्ला सुरक्षा समितिले जनाएको छ।</p>
<p>उक्त समूहले भारतबाट आवागमन रोक्न पहल गर्नेछ भने अन्य क्षेत्रबाट आएकाहरूमाथि पनि निगरानी बढाउने र अभिलेख राख्‍नेछ। </p>
<p>सीमा क्षेत्रमा हुने अनधिकृत आवागमन र आपराधिक गतिविधि रोक्न नेपाल प्रहरी र सशस्त्र प्रहरीलाई संयुक्त सुरक्षा योजना बनाएर कार्यान्वयन गर्न पनि समितिले निर्देशन दिएको छ।</p>
प्रतिक्रिया दिनुहोस्
.jpg)
