बुन्डेसलिगाको मिति तय, १६ मेदेखि शुरू हुने
<p>काठमाडौं। कोभिड-१९ महामारीका कारण स्थगित जर्मन बुन्डेसलिगा १६ मेबाट बन्द रंगशालामा हुने भएको छ। यससँगै महामारीका कारण स्थगित भएर पुन: शुरू हुने बुन्डेसलिगा युरोपको पहिलो लिग बनेको छ। </p>
<p>सिजन पुन: शुरू हुँदाका खेलहरूमध्ये एक साल्के र बोरुसिया डर्टमन्डको डर्बी खेल पनि छ। साविक विजेता बायर्न म्युनिखले आइतबार युनियन बर्लिनको भ्रमण गर्नेछ। बायर्न दोस्रो स्थानको डर्टमन्डभन्दा चार अंकको अग्रतासहित शीर्ष स्थानमा छ। </p>
<p>बुन्डेसलिगाका धेरै जसो क्लबले नौ चरणका खेल खेल्न बाँकी छन्। सिजनको अन्तिम खेल २७ र २८ जुनमा हुनेछ। </p>
<p>जर्मन फुटबल संघ (डीएफबी)ले लिग पुन: शुरू गर्दा कडाइका साथ स्वास्थ्य सुरक्षा सावधानी अपनाइएको खेलाडीको कोभिड-१९ परीक्षण अनिवार्य गरिएको बताएको छ। त्यस्तै दर्शकलाई पूर्ण रूपमा बन्देज लगाइने जनाएको छ। </p>
<p>खेलाडी, कर्मचारी र अन्य अफिसियल गरी रंगशालामा खेल हुने दिन लगभग तीन सयको हाराहारीमा मान्छे हुने बताइएको छ। बुन्डेसलिगा १३ मार्चदेखि स्थगित थियो। क्लबहरूले अप्रिलको मध्यबाट तालिम शुरू गरेका थिए।</p>
प्रतिक्रिया दिनुहोस्
.jpg)
