रेलले किचेर १४ मजदुरको मृत्यु
<p>मुम्बई। महाराष्‍‍ट्रको औरंगावादमा मालवाहक रेलले किचेर १४ जना मजदुरको मृत्यु भएको छ।</p>
<p>ती मजदुर रेलको लिकमा सुतिरहेको हुन सक्ने अधिकारीहरूको अनुमान छ।</p>
<p>देशव्यापी लकडाउनका कारण भारतभर रेल सेवा ठप्प रहेकाले मजदुरहरू लिकमै सुतिरहेको हुन सक्ने अधिकारीहरू बताउँछन्।</p>
<p>घटनामा गम्भीर घाइते पाँच जनाको स्थानीय अस्पतालमा उपचार भइरहेको छ।</p>
<p>आज बिहान साढे ६ बजेतिर उक्त घटना भएको भारतीय दक्षिण-मध्य रेलवेका चिफ पीआरओले बताएका छन्।</p>
<p>औरंगावादकी एसपी मोक्षदा पाटिलका अनुसार मृतक र घाइते सबै मजदुर स्थानीय एक स्टिल फ्याक्ट्रीमा काम गर्थे। भुसावल नामक स्टेसनबाट रेल चढेर घर जान पाइने आशामा उनीहरू त्यता जाँदै गरेको खुलेको प्रहरीले जनाएको छ।</p>
प्रतिक्रिया दिनुहोस्
.jpg)
