संघीय संसद्को बजेट अधिवेशन आजदेखि शुरु हुँदै
<p>काठमाडौं। संघीय संसद्को बजेट अधिवेशन आजदेखि शुरु हुँदैछ। अपराह्न ४ बजे संसद् बैठक बोलाइएको छ। </p>
<p>कोभिड-१९ को संक्रमणकै बेला आह्वान भएको बजेट अधिवेशनमा आवश्यक स्वास्थ्य सुरक्षा अपनाएर बैठक बस्‍ने तयारी छ।</p>
<p>संसद् सचिवालयले आवश्यक सबै तयारी पूरा गरिसकेको छ। </p>
<p>हिजो नै संघीय सांसदहरूको कोरोना परीक्षण गरिएको छ। संसद् सचिवालय परिसरमा सांसदहरूको स्वाबको नमूना संकलन गरिएको छ। आज उनीहरू सबैलाई कोरोना परीक्षणको रिपोर्ट साथमै लिएर उपस्थित हुन भनिएको छ।</p>
<p>दुई सय १२ जना सांसदसहित चार सय ४१ जनाको हिजो स्वाब नमूना संकलन गरिएको थियो। बाँकीको आज परीक्षण गरिने छ। </p>
<p>उनीहरूको परीक्षण रिपोर्ट भने आइसकेको छैन। सांसदहरूले कोरोना परीक्षण गरेर मात्रै संसदको बैठक आह्वान गर्न सभामुखसँग माग गरेपछि हिजो परीक्षण गरिएको हो। </p>
<p>१५ जेठमा संसद्‍मा बजेट पेश गर्नुपर्ने संवैधानिक व्यवस्था छ। बजेट पेश गर्नुअघि २८ वैशाखबाट प्रि-बजेटबारे छलफल हुनेछ। नीति तथा कार्यक्रम संसद्‍मा प्रस्तुत गरेपछि बजेट प्रस्तुत गरिने छ।</p>
प्रतिक्रिया दिनुहोस्
.jpg)
