नेपाललाई अन्तर्राष्ट्रिय मुद्रा कोषको २६ अर्ब रुपैयाँ सहयोग
<p>काठमाडौं। अन्तर्राष्‍ट्रिय मुद्रा कोष (आईएमएफ)ले नेपाललाई करीब २६ अर्ब रूपैयाँ (२१ करोड ४० लाख अमेरिकी डलर) दिने भएको छ। </p>
<p>२४ वैशाखमा बसेको आईएमएफको कार्यकारी बोर्ड बैठकले नेपाललाई कोभिड-१९ महामारीले प्रभाव पारेको क्षेत्रमा खर्च गर्न उक्त रकम उपलब्ध गराउने निर्णय गरेको हो।</p>
<p>उक्त रकमले नेपालको भुक्तानी सन्तुलनमा सहयोग गर्ने अपेक्षा अन्तर्राष्‍ट्रिय मुद्रा कोषको छ।</p>
<p>कोभिड-१९ को महामारीका कारण रेमिट्यान्स, पर्यटन र देशभित्रका अन्य आर्थिक गतिविधिमा प्रभाव पर्दा नेपालको आर्थिक वृद्धि, भुक्तानी सन्तुलन र वित्तीय स्थितिलाई कमजोर बनाएकाले त्यसको सुदृढीकरणमा उक्त सहयोग प्रभावकारी हुन सक्ने आईएमएफले उल्लेख गरेको छ।</p>
<p>नेपाल सरकारले स्वास्थ्य खर्च बढाउन, वित्तीय प्रणालीमा पर्याप्त तरलता सुनिश्चित गर्न, ऋणको पहुँचमा सहज बनाउनका लागि अन्तर्राष्‍ट्रिय सहयोगी निकायहरूसँग आर्थिक सहायता माग गरिरहेको छ।</p>
<p>बजेटको स्रोत व्यवस्थापनका लागि पनि आन्तरिक स्रोत कमजोर भएको हुँदा सरकारले अन्तर्राष्‍ट्रिय सहयोग जुटाउने प्रयास गरिरहेको छ।</p>
प्रतिक्रिया दिनुहोस्
.jpg)
