कोशी अस्पतालमा उपचाररत थप ८ जना कोरोना संक्रमित डिस्चार्ज
<p>विराटगर। विराटनगरस्थित कोशी अस्पतालअन्‍तर्गतको कोरोना उपचार केन्द्रमा उपचाररत थप ८ जना निको भएका छन्।</p>
<p>दोस्रो र तेस्रो पटक थ्रोट स्वाबको परीक्षण गर्दा नतिजा नेगेटिभ आएपछि उनीहरूलाई डिस्चार्ज गरिएको प्रदेश १ कोभिड-१९ निगरानी, प्रतिवेदन तथा अनुगमन सचिवालयका प्रमुख ज्ञानबहादुर बस्‍नेतले देखापढीलाई बताए।</p>
<p>केही बेरअघि डिस्चार्ज गरिएकाहरूमा एक भारतीय र सातजना नेपाली छन्। नेपालीमध्ये उदयपुरका एक महिलासहित पाँचजना र विराटनगरका दुईजना रहेको बताइएको छ।</p>
<p>दुई दिनअघि २४ वैशाखमा, छ जना भारतीय निको भइसकेका छन्। उनीहरूलाई विराटनगरको रानीस्थित एक मस्जिदको क्वारेन्टाइनमा राखिएको छ।</p>
<p>आज डिस्चार्ज भएका आठजना सहित सबैभन्दा बढी ३१ जना संक्रमित भेटिएको प्रदेश १ मा निको हुनेको संख्या १४ पुगेको छ।</p>
<p>निको भएका सबै उदयपुरको त्रियुगा नगरपालिका-३ भुल्केबस्तीमा संक्रमित भेटिएका हुन्।</p>
<p>बाँकी १७ जना अस्पतालमा उपचाररत् छन्। उनीहरूको स्वास्थ्य अवस्था सामान्य रहेको अस्पतालले जनाएको छ।</p>
प्रतिक्रिया दिनुहोस्
.jpg)
