Others

गृहपृष्ठ

सेनाका लेफ्टिनेन्ट कर्णेल सवार कारसँग ठोक्किएर मोटरसाइकल चालकको मृत्यु काठमाडौं। काठमाडौंको रविभवनमा आज बिहान नेपाली सेनाका लेफ्टिनेन्ट कर्णेल सवार कारसँग ठोक्किएर एक मोटरसाइकल चालकको मृत्यु भएको छ।  महानगरीय ट्राफिक प्रहरी महाशाखाका अनुसार कंलकीबाट कालीमाटीतर्फ आइरहेको बा२१ च ४३४७ नम्बरको कार र विपरीत दिशातर्फ गइरहेको बा७२ प ८१७२ नम्बरको मोटरसाइकल ठोक्किएर दुर्घटना भएको हो।  दुर्घटनामा गम्भीर घाइते भएका मोटरसाइकल चालकलाई तत्कालै कलंकीस्थित नेपाल नेशनल अस्पताल लगिएको थियो। उनको उपचारका क्रममा मृत्यु भएको महाशाखाका प्रवक्ता एसपी जीवनकुमार श्रेष्&zwj;ठले जानकारी दिए।  मृत्यु हुनेमा मोरङको बेलवारी घर भई हाल टंकेश्वर बस्&zwj;ने २३ वर्षीय टीकाराज गेलाल छन्। तीव्र गतिमा रहेको मोटरसाइकलले सन्तुलन गुमाएर विपरीत लेनमा गई कारसँग ठोक्किएको प्रहरीको भनाइ छ।  घटनाबारे थप अनुसन्धान भइरहेको प्रहरीले जनाएको छ। दुर्घटना भएको कारका चालक कलंकी स्यूचाटार बस्&zwj;ने ३९ वर्षीय शिखर जबरा हुन्। उनी नेपाली सेनाको जङंगीअड्डामा कार्यरत लेफ्टिनेन्ट कर्णेल हुन्। चालक र सवारी साधान महानगरीय प्रहरी वृत्त कालिमाटीको नियन्त्रणमा राखिएको छ।