तेस्रो पटक बिक्री भयो अम्बानीको जिओ टेलिकमको सेयर, भिस्टालाई २.३२ प्रतिशत स्वामित्व
<p>नयाँदिल्ली। भारतीय अर्बपति मुकेश अम्बानीले भिस्टा इक्‍विटी पार्टनरलाई जीओ टेलिकमको २.३२ प्रतिशत सेयर बिक्री गरेका छन्।</p>
<p>इकोनोमिक टाइम्सका अनुसार अम्बानीले ११ हजार ३६७ करोड भारतीय रुपैयाँमा अमेरिकी कम्पनी भिस्टालाई उक्त परिमाणको सेयर बिक्री गरेका हुन्।</p>
<p>अम्बानीले तेस्रो पटक जीओ टेलिकमको सेयर बिक्री गरेका हुन्। यसअघि उनले अमेरिकी कम्पनी फेसबुक र सिल्भरलेकलाई कम्पनीको सेयर बेचेका थिए।</p>
<p>जीओले फेसबुकलाई ९.९ प्रतिशत स्वामित्व र सिल्भरलेकलाई १.१५ प्रतिशत सेयर स्वामितव बिक्री गरिसकेको छ।</p>
<p>भारतमा ३८ करोड ८० लाख प्रयोगकर्ता भएको जीओ टेलिकमको सम्पत्ति ६० हजार ५९६ करोड भारु छ। यो रिलायन्स इन्ड्रस्ट्रिज लिमिटेडको सहायक कम्पनी हो।</p>
<p>हालै जीओमा लगानी गरेको भिस्टा प्राविधिक इक्‍विटी फन्ड हो, जसले २० वर्षदेखि भारतमा प्रविधिलगायत क्षेत्रमा लगानी गर्दै आएको छ।</p>
प्रतिक्रिया दिनुहोस्
.jpg)
