पूर्वमन्त्री आलमलाई म्याद थपका लागि अदालत पुर्याइयो
<p>काठमाडौं। रौतहटमा इटाभट्टामा कार्यरत् मजदुरहरुलाई १२ वर्षअघि जलाएर मारेको आरोपमा २६ असोजमा पक्राउ परेका पूर्वमन्त्री मोहम्मद आफ्ताब आलमलाई म्याद थपका लागि रौतहट जिल्ला अदालतमा उपस्थित गराइएको छ। </p>
<p>जिल्ला प्रहरी कार्यालय रौतहटले थप १० दिन हिरासतमा राखेर अनुसन्धान गर्न अनुमति माग्दै उनलाई अदालतमा पेश गरेको छ रौतहटका प्रहरी प्रमुख एसपी भुपेन्द्र खत्रीले थप अनुसन्धानका लागि १० दिन म्याद थप गर्न अनुमति मागिएको <em>देखापढी</em>लाई बताए।</p>
<p>यसअघि २८ असोजमा पूर्वमन्त्री आलमलाई जिल्ला अदालतले ७ दिन हिरासतमा राख्न अनुमति दिएको थियो।</p>
<p>आलममाथि २२ जनालाई जिउँदै इँटाभट्टामा जलाएर हत्या गरेको आरोप छ। संविधान सभा निर्वाचनको अघिल्लो दिन २७ चैत्र २०६४ मा भएको त्यो घटनाको अनुसन्धानका लागि उनलाई ७ दिनअघि पक्राउ गरिएको थियो।</p>
<p>आलमसँग जिल्ला सरकारी वकीलको कार्यालय रौतहटमा आजै बयान लिने तयारी छ । रौतहट क्षेत्र नम्बर २ मा नेपाली कांग्रेसबाट निर्वाचित प्रतिनिधि सभा सांसद हुन् ।</p>
प्रतिक्रिया दिनुहोस्
.jpg)
