दीगो विकास लक्षमा केन्द्रित भएर नीति तथा कार्यक्रम बनाउन सुझाव
<p>काठमाडौं। राष्ट्रिय सभाको दीगो विकास समितिले दीगो विकासले निर्धारण गरेको लक्ष पूरा हुने गरी नीति तथा कार्यक्रम तय गर्न सरकारलाई सुझाव दिएको छ।</p>
<p>आज विज्ञ र सांसादहरुसँगको छलफलपछि समिति सभापति तारादेवी भट्टले जलवायु परिवर्तन र कोभिड-१९ विश्वकै मुद्दा भएकोले नेपालले नयाँ ढंगले विकासलाई अघि बढाउनुपर्ने बताइन्।</p>
<p>वातावरण विज्ञ शिलशिला आचार्यले डिजेट, पेट्रोल र ठूला होटलहरूको विकल्प सोच्‍न सकेमा मात्रै पनि वातावारण संरक्षण गर्न सकिने बताइन्।</p>
<p>जलविद्युतलाई प्रवर्द्धन गरी डिजेल पेट्रोलको प्रयोग घटाउने र ठूला होटलहरूको सट्टा होम स्टेहरूकोप्रवर्द्धन गर्नुपर्ने उनको जोड छ।</p>
<p>सांसद भैरवबहादुर श्रेष्ठले वनहरुको वैकल्पिक व्यवस्थापनका नाममा ठूलो मात्रामा वन फडानी भइरहेकोले त्यसलाई रोक्नुपर्ने बताए।</p>
<p>सांसद विमला राई पौडेलले जैविक मल र जैविक विषादी बनाउने उद्योग सञ्चालनतर्फ ध्यान दिएर प्राङ्गारिक कृषिको प्रवर्द्धन गर्न सकिने बताइन्।</p>
प्रतिक्रिया दिनुहोस्
.jpg)
