अदालतमा सांसद पार्वत गुरुङको बयान
<p>काठमाडौं। ज्यान मार्ने उद्योगको अभियोग लागेका दोलखाबाट निर्वाचित नेकपाका सांसद पार्वत गुरुङ अदालतमा उपस्थित भएका छन्।</p>
<p>गुरुङको अहिले काठमाडौं जिल्ला अदालतमा बयान भइरहेको छ।</p>
<p>बयान सकिएपछि गुरुङको थुनछेक बहस शुरू हुने अदालतका श्रेस्तेदार आनन्दप्रसाद श्रेष्ठले <em>देखापढी</em>लाई बताए।</p>
<p>२०७४ बैशाखमा सम्पन्न स्थानीय निर्वाचनलगत्तै काठमाडौंमा भएको एक घटनालाई लिएर गुरुङविरुद्ध अदालतले पक्राउ पुर्जी जारी गरेको थियो।</p>
<p>त्यसबेला दोलखाकै वीरध्वज खड्कामाथि काठमाडौंमा आक्रमण भएको थियो।</p>
<p>खड्काले गुरुङ लगायतले आफूमाथि ज्यान लिने उद्देश्यले आक्रमण गरेको भन्दै महानगरीय प्रहरी परिसर काठमाडौंमा जाहेरी दिएका थिए।</p>
<p>सोही जाहेरीको आधारमा काठमाडौं जिल्ला अदालतमा सांसद गुरुङविरुद्ध ज्यान मार्ने उद्योगमा मुद्दा दर्ता भएको थियो। <br />
</p>
<p><strong>पढ्नुहोस्:</strong></p>
<p> </p>
<p><a href="https://dekhapadhi.com/news/1088" target="_blank">पार्वत गुरुङ भन्छन्– कांग्रेस–माओवादीको सरकारले प्रतिशोध साँध्‍न झुटा मुद्दा लगाएको हो</a></p>
प्रतिक्रिया दिनुहोस्
.jpg)
