पूर्वमन्त्री आलमलाई थुनामा राख्न ५ दिन म्याद थप
<p>काठमाडौं। रौतहटमा इँटाभट्टामा कार्यरत् मजदुरलाई १२ वर्षअघि जलाएर मारेको आरोपमा पक्राउ परेका पूर्वमन्त्री मोहम्मद आफ्ताब आलमलाई रौतहट जिल्ला अदालतले ५ दिन थुनामा राख्न अनुमति दिएको छ।</p>
<p>२६ असोजमा पक्राउ परेका पूर्वमन्त्री आलमलाई जिल्ला अदालतले २८ असोजमा अनुसन्धानका लागि ७ दिन हिरासतमा राख्न अनुमति दिएको थियो। आज जिल्ला अदालतबाट उनलाई दोस्रो पटक म्याद थपिएको हो। </p>
<p>जिल्ला अदालतका श्रेस्तेदार गुणराज पराजुलीले आराेपीकाे बयान नसकिएकाले आजदेखि गणना हुने गरी पाँच दिन म्याद थप गरिएकाे देखापढीलाई बताए । न्यायाधीश चाणकमणि अर्यालकाे इजलासले म्याद थपकाे आदेश दिएकाे हाे । </p>
<p>आलममाथि २२ जनालाई जिउँदै इँटाभट्टामा जलाएर हत्या गरेको आरोप छ। संविधान सभा निर्वाचनको अघिल्लो दिन २७ चैत्र २०६४ मा भएको त्यो घटनाको अनुसन्धानका लागि उनलाई ७ दिनअघि पक्राउ गरिएको थियो।</p>
<p>आलम नेपाली कांग्रेसको तर्फबाट रौतहट क्षेत्र नम्बर २ बाट निर्वाचित प्रतिनिधि सभा सांसद हुन् ।<br />
</p>
प्रतिक्रिया दिनुहोस्
.jpg)
