क्वारेन्टाइनबाट निकालिएका नेपालीमाथि एसएसबीले गरे कुटपिट
<p>कैलाली। भारतको उत्तराखण्डस्थित क्वारेन्टाइनबाट निकालिएका नेपालीहरूमाथि कुटपिट भएकाे छ।</p>
<p>क्वारेन्टाइनबाट निकालिदिएपछि हिँडेरै सीमासम्म पुगेका बेला सीमामा रहेका भारतीय सीमा सुरक्षा बल (एसएसबी)ले कुटेको पीडित डडेल्धुराका पर्शुराम नगरपालिका-१० कुर्मुल्लेका सुशील जोशीले बताए।</p>
<p>उनका अनुसार एसएसबीले कुटेर लखेटेकाे थियाे। </p>
<p>उत्तराखण्डस्थित रुद्रपुर र काशीपुरका क्वारेन्टाइनमा १४ दिन बसेका डेढ सय बढी नेपाली निकालिएका छन्।</p>
<p>उनीहरू झण्डै ११५ किलोमिटर पैदल हिँडेर गय राति नेपाल-भारत सीमा क्षेत्रमा पुगेका थिए। एसएसबीले ‘तिमीहरूलाई नेपाल जान अनुमति छैन’ भन्दै कुटपिट गरेकाे जाेशी बताउँछन्।</p>
<p>भोकभोकै सीमामा पुगेका नेपालीहरू फर्केर १५ किलोमिटर टाढा खटिमा पुगेका छन्। “१४ दिन बितेपछि घर जाऊ भन्दै पठाए”, जाेशीले भने, “क्वारेन्टाइनमा बस्दा पनि राम्राे व्यवहार गरेनन्।”</p>
प्रतिक्रिया दिनुहोस्
.jpg)
