छुकिमागो हिमाल आरोहणका क्रममा एकजना आरोहीको मृत्यु
<p>दोलखा । दोलखाको रोल्वालिङ हिमशृंखला अन्तर्गत पर्ने छुकिमागो हिमाल आरोहणका क्रममा एकजना स्पेनिस नागरिकको मृत्यु भएको छ । </p>
<p>६,२५८ मिटर उचाइको हिमाल आरोहणका क्रममा २ कात्तिकमा स्पेनका ४४ वर्षीय लुईस फिलिप भल्भर्डे गजम्यानको मृत्यु भएको हो । </p>
<p>दोलखा जिल्ला प्रहरी कार्यालयका प्रहरी निरीक्षक रेशम बोहराका अनुसार आरोहणका क्रममा अर्का स्पेनिस नागरिक डेबिड स्वेला फर्नान्डेज घाइते भएका थिए । उनको उद्धार गरी थप उपचारका लागि काठमाडौं पठाइएको बोहराको भनाइ छ । </p>
<p>चारजना स्पेनिस आरोहीको टोली १० दिनअघि रोल्वालिङ पुगेका थिए । दुईजना आरोहण नगरी फर्किएका छन् । <br />
</p>
प्रतिक्रिया दिनुहोस्
.jpg)
