संसदमा आजदेखि पूर्वबजेटमा छलफल शुरू हुँदै
<p>काठमाडौं। संसदमा आजदेखि प्रिबजेट माथि छलफल शुरू हुँदैछ।</p>
<p>प्रतिनिधि सभाको बैठक बिहान ११ बजे र राष्ट्रिय सभाको बैठक दिउँसो १ बजे बस्दैछ।</p>
<p>संसद सचिवालयका अनुसार आजको बैठकमा अर्थमन्त्री डा. युवराज खतिवडाले आर्थिक वर्ष २०७७/७८ का लागि विनियोजन विधेयकका सिद्धान्त र प्राथमिकता सम्बन्ध माथि छलफल गरियोस् भन्ने प्रस्ताव पेश गर्नेछन्।</p>
<p>त्यस्तै शिक्षा, विज्ञान तथा प्रविधि मन्त्री गिरिराजमणि पोखरेलले 'रेडियोधर्मी पदार्थको नियमन सम्बन्धी विधेयश, २०७६' माथि राष्ट्रिय सभाबाट भएको संशोधनमाथि विचार गरियोस् भनी प्रस्ताव गर्ने कार्यसूची छ।</p>
<p>अर्थमन्त्रीले प्रस्ताव पेश गरेपछि त्यसमाथी संसदमा छलफल शुरु हुनेछ। यसलाई प्रिबजेट छलफल भन्ने गरिन्छ। सरकारको नीति तथा कार्यक्रम भने २ जेठमा राष्ट्रपति विद्यादेवी भण्डारीले पेश गर्नेछिन्।</p>
<p>संसद सचिवालयका अनुसार १३ जेठमा सरकारले आर्थिक सर्वेक्षण प्रस्तुत गरेपछि १५ जेठमा आगामी आर्थिक वर्षको बजेट प्रस्तुत हुनेछ।</p>
<p>संसदको बजेट अधिवेशन २६ वैशाखबाट शुरू भएको हो।</p>
प्रतिक्रिया दिनुहोस्
.jpg)
