सीमा अतिक्रमण रोक्न संसदमा सरकारको ध्यानाकर्षण गराउँछौं : कांग्रेस महामन्त्री शशांक
<p>काठमाडौं। प्रमुख प्रतिपक्ष नेपाली कांग्रेसले नेपाली भूमि अतिक्रमण गरी भारतले सडक बनाएको विषयलाई संसदमा उठाउने भएको छ।</p>
<p>नेपाली कांग्रेसका महामन्त्री शशांक कोइरालाले भारत र चीनसँग कुटनीतिक पहलमार्फत् भारतबाट भइरहेको सीमा अतिक्रमणको समस्या समाधान गरी टुंगोमा पुर्‍याउन सरकारलाई दबाब दिन कांग्रेसले यो विषयलाई संसदमा उठाउन लागेको जानकारी दिए।</p>
<p>कोइरालाले भने, "हामी त यो विषयमा आजै सदनमा कुरा उठाउँछौं। सरकार अलि संवेदनशील हुनुपर्‍यो। हाम्रो भूमि कसैले हस्तक्षेप गर्छ भने त्यो स्वीकार्य हँदैन। चीन र भारत दुवैसँग सरकारले नै कुरा गर्नुपर्छ।"</p>
<p>"एक इन्च पनि हामीले हाम्रो भूमि मिचिन दिन हुन्‍न। सरकारले चीन र भारतसँग कुरा गरेर समस्याको समाधान गर्नपर्छ", महामन्त्री कोइरालाले भने।</p>
<p>भारतले नेपालको भूमि लिपुलेक हुँदै मानसरोवर सडक उद्घाटन गरेपछि सीमा विवाद पुन: बहसको विषय बनेको छ।</p>
प्रतिक्रिया दिनुहोस्
.jpg)
