परराष्ट्रमन्त्रीले संसदमा भने- 'कुटनीतिक नोट पठाउँदा भारतले जवाफ दिएन, एकैचोटि सडक उद्घाटन गर्यो'
<p>काठमाडौं। परराष्ट्रमन्त्री प्रदीपकुमार ज्ञवालीले २ नोभेम्बर २०१९ मा भारतले नयाँ नक्सा सार्वजनिक गरेकोप्रति कुटनीतिक नोट पठाएर समस्या समाधानका लागि पहल गरिरहेकै बेला भारतले जवाफ नै नदिएर नेपाली भूमिमा सडक खनेर उद्घाटन गरेको प्रष्ट पारेका छन्।</p>
<p>प्रतिनिधि सभाको बैठकमा बोल्दै मन्त्री ज्ञवालीले भारतले नेपाली भूमिसमेत प्रयोग गरेर धार्चुलादेखि लिपुलेक जोड्ने सडक उद्घाटन गरेको विषयमा सरकारको आधिकारिक धारणा सार्वजनिक गर्दै सो जानकारी गराएका हुन्।</p>
<p>कुटनीतिक माध्यमबाट समाधान खोज्ने हिसाबले अघि बढ्ने सरकारको योजना रहेको उनले सदन समक्ष जानकारी गराएका छन्। </p>
<p>विश्वको ध्यान अहिले कोभिड-१९ मा केन्द्रित भइरहेका बेला २६ वैशाखमा भारतले नेपालको भूमिसमेत प्रयोग गर्दै धार्चुलादेखि लिपुलेक जोड्न सडक उद्घाटन गर्नु गम्भीर घटना भएको उनले बताए।</p>
<p>बाटो सम्बन्धी निर्णय २००५ मा गरेर २००८ देखि औपचारिक रूपमा निर्माण कार्य शुरु गरेको दस्तावेजबाट देखिएको मन्त्री ज्ञवालीको भनाई छ।</p>
<p>नेपालमा २५ अप्रिल २०१५ देखि महाभूकम्प गएकै बेला २० दिनपछि १५ मे २०१५ मा भारत र चीनबीच समझदारी भएको चर्चा गर्दै उनले कुटनीतिक पहलबाट नै समस्या समाधानमा केन्द्रीत हुने उनले बताएका छन्।</p>
<p>सरकारले पटक पटक कुटनीतिक नोट पठाएर पहल गरिरहेको उनले बताए।</p>
प्रतिक्रिया दिनुहोस्
.jpg)
