सांसद पार्वत गुरुङलाई साधारण तारेख
<p>काठमाडौं । ज्यान मार्ने उद्योगको अभियोग लागेका नेकपाका सांसद पार्वत गुरुङलाई साधारण तारेखमा बसेर मुद्दाको पुर्पक्ष गर्न काठमाडौं जिल्ला अदालतले आदेश दिएको छ । </p>
<p>दोलखाबाट निर्वाचित सांसद गुरुङ आज आफैं अदालतमा उपस्थित भएका थिए।</p>
<p>अदालतमा बयान सकिएपछि भएको थुनछेक बहषपछि न्यायाधीश पूर्णेश्‍वरप्रसाद उपाध्यायको इजलासले सांसद गुरूङलाई साधारण तारेखमा राख्न आदेश दिएको हो ।</p>
<p>सांसद गुरूङका तर्फबाट वरिष्ठ अधिवक्ता शम्भु थापा, अधिवक्ताहरू टीकाराम भट्टराई, रमेश बडाल, करुणाकर मल्लिक, प्रविण प्रधान र हरीशंकर कर्ण लगायतले बहष गरेका थिए । </p>
<p>२०७४ बैशाखमा सम्पन्न स्थानीय निर्वाचनलगत्तै काठमाडौंमा भएको एक घटनालाई लिएर गुरुङविरुद्ध अदालतले पक्राउ पुर्जी जारी गरेको थियो।</p>
<p>त्यसबेला दोलखाकै वीरध्वज खड्कामाथि काठमाडौंमा आक्रमण भएको थियो।</p>
<p>खड्काले गुरुङ लगायतले आफूमाथि ज्यान लिने उद्देश्यले आक्रमण गरेको भन्दै महानगरीय प्रहरी परिसर काठमाडौंमा जाहेरी दिएका थिए।</p>
<p>सोही जाहेरीको आधारमा काठमाडौं जिल्ला अदालतमा सांसद गुरुङविरुद्ध ज्यान मार्ने उद्योगमा मुद्दा दर्ता भएको थियो। </p>
<p> </p>
<p><strong>पढ्नुहोस्:</strong></p>
<p><a href="https://dekhapadhi.com/news/1221">अदालतमा सांसद पार्वत गुरुङको बयान</a></p>
<p><a href="https://dekhapadhi.com/news/1088" target="_blank">पार्वत गुरुङ भन्छन्– कांग्रेस–माओवादीको सरकारले प्रतिशोध साँध्‍न झुटा मुद्दा लगाएको हो</a></p>
<p> </p>
प्रतिक्रिया दिनुहोस्
.jpg)
