युएनएफपीएका प्रमुख नेपालमा
<p>काठमाडौं। संयुक्त राष्ट्रसंघ जनसंख्या कोष (युएनएफपीए) का कार्यकारी निर्देशक तथा संयूक्त राष्ट्रसंघका उपमहासचिव डा. नतालिया कनेम दुईदिने औपचारिक भ्रमणमा नेपाल आएकी छन्।</p>
<p>सन् २०१७ मा युएनएफपीएको कार्यकारी निर्देशक पदमा नियुक्त भएकी डा.कनेमको यो पहिलो नेपाल भ्रमण हो।</p>
<p>उनका साथमा एशिया र प्रशान्त क्षेत्रका लागि युएनएफपीएका क्षेत्रीय निर्देशक वियोन एण्डरसन र युएनएफपीएकै चिफ अफ स्टाफ पियो स्मिथ पनि आएका छन्।</p>
<p>यस वर्ष युएनएफपीएले ५०औं वार्षिकोत्सव तथा जनसंख्या र विकाससम्बन्धी अन्तर्राष्ट्रिय सम्मेलन (आइसीपीडी) को २५ औं वार्षिकोत्सव मनाउँदैछ।</p>
<p>नेपाल भ्रमणमा रहेकी डा.कनेमले प्रधानमन्त्री केपी शर्मा ओली, उपप्रधानमन्त्री एवं स्वास्थ्य तथा जनसंख्यामन्त्री उपेन्द्र यादवसँग भेट्ने कार्यक्रम रहेको नेपालस्थित युनएनएफपीए कार्यालयले जानकारी दिएको छ।</p>
<p> </p>
प्रतिक्रिया दिनुहोस्
.jpg)
