शंकर पोखरेललाई भीम रावलको जवाफ- ‘गल्ती छोप्न अरुलाई दोष दिने ?’
<p style="text-align:justify">काठमाडौं। नेपाल कम्युनिष्ट पार्टी (नेकपा)का स्थायी समिति सदस्य डा. भीम रावलले आफ्ना गल्ती छोप्न अरुलाई दोष दिने काम बन्द गर्न नेकपाकै अर्का नेता शंकर पोखरेललाई आग्रह गरेका छन्।</p>
<p style="text-align:justify">प्रदेश ५ का मुख्यमन्त्री समेत रहेका नेता पोखरेलले आज सामाजिक सञ्जाल फेसबुकमार्फत् रावललाई सरकारको विरोध गर्नुभन्दा रचनात्मक सुझाव दिएर निःशर्त सहयोग गर्न आग्रह गरेका थिए।</p>
<p style="text-align:justify">पाेखरेलले <a href="https://www.dekhapadhi.com/news/12335" target="_blank"><span style="color:#c0392b">आपसी कटाक्ष र विवादले राष्ट्र कमजोर बन्ने</span></a> भन्दै सीमा अतिक्रमणजस्तो संवेदनशील विषयमा राज्यलाई निःशर्त सहयोग गर्नु सबैको कर्तव्य भएको बताएका थिए।</p>
<p style="text-align:justify">त्यसैको जवाफस्वरूप नेता रावलले सामाजिक सञ्जाल ट्वीटरमार्फत् आफू मनपरी गर्ने तथा आफ्ना कमिकमजोरी छोप्न अरुलाई दोष दिनुको कुनै औचित्य नरहेको बताएका छन्।</p>
<p style="text-align:justify">‘नेपालको संविधान, नेकपाको सिद्धान्त र नीतिविपरीतका कामबारे समयमै औंल्याउनु सरकारलाई रचनात्मक सहयोग गर्नु हो’, रावलले लेखेका छन्, ‘गलत कामको आँखा चिम्लेर समर्थन गर्नु सरकार र पार्टीलाई गल्ती गरिरहन दिएर अन्ततः विनाशतर्फ जान दिनु हो।’</p>
<p style="text-align:justify">रावलले पार्टीमा संस्थागत र विधिसम्मत छलफलको पनि माग गरेका छन्। ‘छलफलको निश्कर्षको आधारमा पार्टी र सरकार चलाऔँ’, रावलले भनेका छन्।</p>
<p style="text-align:justify">उनले तुरुन्त स्थायी कमिटीको बैठक बोलाउन पनि नेतृत्वसँग माग गरेका छन्। </p>
<blockquote class="twitter-tweet" data-dnt="true" data-theme="light">
<p dir="ltr" lang="ne">सरकारमा रहेका र प्रमंको निकट ठानिने साथीहरूले आत्मनिरीक्षण गर्दै यतातर्फ पनि ध्यान दिनु उचित होलाः <a href="https://t.co/TIRAlQWGWY">pic.twitter.com/TIRAlQWGWY</a></p>
— Bhim Rawal, Ph. D (@BhimRawal179) <a href="https://twitter.com/BhimRawal179/status/1259509288965267456?ref_src=twsrc%5Etfw">May 10, 2020</a></blockquote>
<script async src="https://platform.twitter.com/widgets.js" charset="utf-8"></script>
प्रतिक्रिया दिनुहोस्
.jpg)
