मोरङमा बसोबास गर्ने भोजपुरेलाई राहत वितरण
<p>भोजपुर। मोरङका विभिन्‍न ठाउँमा बस्दै आएका ४४ परिवारलाई राहत वितरण गरिएको छ।</p>
<p>लकडाउनमा उनीहरूको दैनिक गुजाराको समस्यालाई ध्यान दिँदै शेर्पा कन्स्ट्रक्सनका सञ्‍चालक फुर्तेम्बा शेर्पाले राहत वितरण गरेका हुन्।</p>
<p>भोजपुर घर भई कामको शिलसिलामा मोरङको विराटनगर, रानी, कञ्‍चनबारीलगायत स्थानमा बस्दै आएका उनीहरूलाई प्रति परिवार २५ केजीका दरले चामल वितरण गरिएको हो।</p>
<p>यसअघि कन्स्ट्रक्सनले भोजपुरकै पौवादुङमा-१ श्यामशिला र तिवारीभञ्‍ज्यांगका २५० स्थानीय र मोरङ, सुनसरी, भोजपुरका विपन्न, गरीब, मजदूरलगायत एक हजार ३०० समेत कूल एक हजार ५०० घरपरिवारलाई प्रति परिवार २५ केजी चामल, दुई केजी नुन, दुई लिटर तेलका दरले सहयोग गरेको थियो।</p>
<p>जिल्लाका स्थानीय तहमा तोकिएका सम्पर्क व्यक्तिहरूले संकलन गरेको नामावलीको आधारमा राहत बाँडिएको संचालक शेर्पाले बताए।</p>
प्रतिक्रिया दिनुहोस्
.jpg)
