Others

गृहपृष्ठ

महरालाई थप पाँच दिन थुनामा राख्‍न अदालतकाे अनुमति काठमाडाैं। काठमाडौं जिल्ला अदालतले बलात्कार प्रयासको आरोप लागेका पूर्व सभामुख महरालाई २ कात्तिकदेखि लागू हुने गरी पाँच दिन हिरासतमै राखेर अनुसन्धान गर्न अनुमति दिएको छ ।  १९ असोजमा पक्राउ परेका महरालाई पहिलोपटक २८ असोजमा अदालतमा म्याद थपका लागि पुर्&zwj;याइएको थियो । जिल्ला अदालतले पक्राउ परेको दिनदेखि १३ दिनको म्याद थप गरिदिएको थियो । तर यो अवधिमा पनि उनीमाथिको अनुसन्धान नसकिएपछि प्रहरीले थप सात दिन थुनामै राख्नका लागि अनुमति माग्दै महरालाई आज जिल्ला अदालत पुर्&zwj;याएको हो ।  प्रहरी हिरासतमा बिरामी परेपछि महरा थापाथलीस्थित नर्भिक अस्पतालमा उपचाररत छन् । उनले प्रहरीसँग बयान दिनसमेत आनकानी गरेका थिए । आज बिहान अदालत पुर्&zwj;याउनुअघि उनलाई जिल्ला सरकारी वकीलको कार्यालयमा पुर्&zwj;याएर प्रहरीले बयान लिएको थियो । बयान सकिएपछि उनलाई जिल्ला अदालत लगिएको थियो ।  न्यायाधीश बाबुराम सुवेदीको इजलासमा अनुसन्धानका लागि महरालाई हिरासतमै राख्ने अनुमति दिने वा नदिने भन्ने बहस चलेको थियो । त्यसपछि न्यायाधीश सुवेदीले पाँच दिन थप हिरासतमा राख्&zwj;न आदेश गरेका हुन् ।  उनको इजलासमा महराले बलात्कारको प्रयास गरेको भनिएको संसद सचिवालयमा कार्यरत महिला कर्मचारी आफ्ना श्रीमानसँगै उपस्थित भएकी थिइन् । उनले न्यायाधीशसमक्ष महराले आफूमाथि कुनै ज्यादती, दुव्र्यवहार वा हिंसा नगरेको बयान दिएकी छन् । महराका कानून व्यवसायी वरिष्ठ अधिवक्त रमन श्रेष्ठका अनुसार ती महिलाले प्रहरीले आफूलाई बन्धक बनाएर महराविरुद्ध जाहेरी दिन बाध्य पारेको पनि आरोप लगाएकी छन् ।  पूर्व सभामुख महराले ती महिलामाथि बलात्कारको प्रयास गरेको आरोप सार्वजनिक भएपछि उनी यस अघि पनि महानगरीय प्रहरी वृत्त बानेश्वर पुगेर महराले आफूलाई केही नगरेको व्यहोराको निवेदन दिएकी थिइन् । तर प्रहरीले उक्त निवेदन दर्ता नगरेको भन्दै उनले महरा आफ्नै परिवारको व्यक्ति भएको बताएकी वरिष्ठ अधिवक्ता श्रेष्ठले जानकारी दिए ।