कपिलवस्तुमा एकै दिन १० जनामा कोरोना संक्रमण, संक्रमितको संख्या १२० पुग्यो
<p>काठमाडौं। आज एकै दिन थप १० जनामा कोरोना भाइरसको संक्रमण देखिएको छ।</p>
<p>यो सँगै नेपालमा कूल संक्रमितको संख्या १२० पुगेको छ।</p>
<p>स्वास्थ्य तथा जनसंख्या मन्त्रालयले केही बेरअघि जारी गरेको विज्ञप्ति अनुसार आज संक्रमित फेला परेकाहरू कपिलवस्तु यशोधरा गाउँपालिका-५ र बुद्धभूमि नगरपालिका-७ र वडा नम्बर १० निवासी हुन्। </p>
<p>टेकुस्थित राष्‍ट्रिय जनस्वास्थ्य प्रयोगशाला काठमाडौंमा गरिएको परीक्षणमा उनीहरूको कोभिड-१९ नतिजा पोजिटिभ आएको मन्त्रालयका सहप्रवक्ता डा. समिरकुमार अधिकारीले विज्ञप्तिमा जनाएका छन्।</p>
<p>कोभिड-१९ पुष्‍टि भएकाहरूमा १८, १९, २४, ३०, ३१ वर्षका एक/एक र २० र ३४ वर्षका दुई/दुईजना छन् भने अर्का एकजनाको उमेर खुलेको छैन।</p>
<p>संक्रमित सबैजना पुरुष हुन्।</p>
<p>सबैको स्वास्थ्य सामान्य रहेको र स्वास्थ्यकर्मीको सम्पर्कमा रहेको मन्त्रालयले जनाएको छ।</p>
<p> </p>
प्रतिक्रिया दिनुहोस्
.jpg)
