कोभिड-१९ : भारतमा एकै दिन चार हजार बिरामी थपिए
<p>नयाँदिली। भारतमा आइतबार एकै दिन कोभिड-१९ मा चार हजारभन्दा बढी बिरामी फेला परेका छन्। तीमध्ये सबैभन्दा बढी महाराष्‍ट्रमा एक हजार नौ सय ४३ जनामा कोरोना भाइरस संक्रमण पुष्‍टि भएको छ।</p>
<p>महाराष्‍ट्रमा यसअघि एक दिनमा ६ सय ६५ जना बिरामी भेटिएको रेकर्ड थियो। महाराष्‍ट्रको राजधानी तथा भारतको आर्थिक केन्द्र मुम्बईमा मात्र आठ सय ७५ जना नयाँ बिरामी फेला परेका छन्।</p>
<p>यस्तै, तमिलनाडुमा ६ सय ६९, गुजरातमा तीन सय ९८ र दिल्लीमा तीन सय ८१ नयाँ बिरामी फेला परेका छन्।</p>
<p>पश्चिमबंगाल, उडिसा र बिहारमा पनि आइतबार तीन सय २१ जना नयाँ बिरामी थपिएका छन्।</p>
<p>महाराष्‍ट्रमा एकै दिन ५३ जनाले कोभिड-१९ का कारण ज्यान गुमााएका छन्। </p>
प्रतिक्रिया दिनुहोस्
.jpg)
