मासको दालमा उपभोक्ता ठगेकाले बिगमार्टलाई तीन लाख जरिवाना
<p>काठमाडौं। वाणिज्य, आपूर्ति तथा उपभोक्ता संरक्षण विभागले आज बिहान दुई स्टोरलाई कारवाही गरेको छ।</p>
<p>विभागको अनुगमनका क्रममा मासको दाल महँगोमा बिक्री गरेको पाइएपछि बिगमार्टलाई कारवाही गरेको छ।</p>
<p>बिगमार्टको हात्तीगौंडास्थित स्टोरले मासको दाल प्रतिकिलो दुई सय ७१ रुपैयाँमा बिक्री गरेको पाइएको छ। स्टोरलाई कारवाहीस्वरूप विभागले तीन लाख रुपैयाँ जरिवाना गरेको छ।</p>
<p>बिगमार्टले बेचेको दालको खरिद मूल्य देखाउन नसकेको र त्यसको मूल्य दुई सय ७१ रुपैयाँ पर्नुको कारण देखाउन नसकेकाले जरिवाना गरीएको विभागका प्रवक्ता रवीन्द्र आचार्यले बताए।</p>
<p>यस्तै, बुद्धनगरस्थित हाम्रो किनमेल सपलाई विभागले दुई लाख रुपैयाँ जरिवाना गरेको छ।</p>
<p>उक्त पसलले म्याद सकिएको सामान बेचेको पाइएको विभागले जानकारी दिएको छ।</p>
<p>दुवै कम्पनीलाई उपभोक्ता संरक्षण ऐन २०७५ को १६ (२)(क) बमोजिम अनुचित व्यापारिक क्रियाकलाप गरेकोले ३८(ङ) को कसुरमा ३९(१(ख) वमोजिम जरिवाना गरीएको विभागले जनाएको छ।</p>
प्रतिक्रिया दिनुहोस्
.jpg)
